ჯუნიორ ნბა-ს ატლანტიკის დივიზიონის, რომელსაც საქართველოს დედაქალაქი მასპინძლობს, საინტერესოდ მიმდინარეობს. დივიზიონის მონაწილე 5-მა გუნდმა ერთი წრე მოილია და ფავორიტ-აუტსაიდერებიც გამოიკვეთნენ.
პირველი წრის ოთხივე შეხვედრა მოიგო და ცრილის პირველ საფეხურზე გამაგრდა „ჰიუნდაის საკალათბურთო სკოლის“ გუნდი „ფილადელფია“. ჰიუნდაელებმა მოუგეს „“ბრუკლინ ნეტსს“ (აკადემია), „ტორონტო რეპტორზს“ (ჰიუნდაი 2), „ნიუ იორკ ნიქსს“ (151-ე სკოლა) და „ბოსტონ სელტიქსს“ (იბერი).
შესაბამისად, „ფილადელფია“ პირველი წრის შემდეგ ერთპიროვნული ლიდერია. მეორე ადგილზე მოდის „ბრუკლინ ნეთსი“, რომელმაც მხოლოდ ერთი მატჩი წააგო. შემდეგ „ჰიუნდაის“ მეორე გუნდი, რომელიც ჯუნიორ ნბა-ში „ტორონტოს“ სახელით ასპარეზობს. „ნიუ იორკმა“ პირველ წრეში ჯერჯერობით მხოლოდ ერთი გამარჯვება მოიპოვა, ხოლო „იბერს“ გამარჯვება ჯერ არ დაუგემოვნებია.
ატლანტიკის დივიზიონის მეორე წრეს თბილისის ოლიმპიური სასახლე 10-14 ივნისს უმასპინძლებს.